Olía-og-eða leysiefni í vatni

Æskilegt sýnamagn er 0,5 – 1 lítri af vatni fyrir mælingu á olíuefnum og 50 – 250 ml fyrir mælingar á leysiefnum.
Sýnatökuflöskur (glerflöskur) ásamt töppum skulu vera vel þvegnar og skolaðar vandlega til að losna við allar sápuleifar.
Aðferð við sýnatöku er háð tilgangi rannsóknar og aðstæðum á vettvangi, hafið samband við rannsóknastofuna ef þörf er á nánari leiðbeiningum.
Fyllið flöskurnar varlega og forðist að loftbólur fari ofan í vatnið.
Stútfyllið þær þannig að ekki sé loftrúm milli tappans og vatnsins.
Verði sýnin ekki mæld innan 48 klst þarf að sýra vatnið með um 1 ml/L af 1:1 HCl.
Kælið sýnin og komið þeim á rannsóknastofuna eins fljótt og hægt er.
Gott er að láta vita fyrirfram hvenær von sé á sýnum.
Hámarksgeymslutími í kæli er 48 klst. fyrir ósýrt vatn og 14 dagar fyrir sýrt vatn.
Sýnum þarf að fylgja skrifleg beiðni (má einnig vera tölvupóstur) þar sem fram kemur hvað á að mæla og hvert á að senda niðurstöður og reikning.